પંજાબના પટિયાલામાં 10 વર્ષની માનવી નામની છોકરીનું તેના બર્થડેના દિવસે જ મોત થતાં માતમ પ્રસર્યો હતો. બર્થડેની કેક ખાધા બાદ માનવીની તબિયત બગડી હતી અને સવારમાં તેનું મોત થયું હતું.
બર્થડેના દિવસે ભયાનક ઘટના
માનવીના મોતની ઉપરાંત કેક ખાનારા પરિવારના 4 સભ્યોની પણ તબિયત ખરાબ થઈ હતી.
પટિયાલાના અમન નગરની રહેવાસી કાજલે પોલીસને જણાવ્યું હતું કે 24 માર્ચે તેની પુત્રી માનવીનો જન્મદિવસ હતો. પરિવારે ઝોમેટોથી કાન્હા કેક શોપમાંથી કેકનો ઓર્ડર કર્યો હતો જે પછી સાંજે તેનો બર્થડે ઉજવાયો હતો. બર્થડેના દિવસે માનવીએ કેક કાપ્યાં બાદ ખાધી હતી જે પછી તેને ઉલટીઓ થવા લાગી હતી તથા પરિવારના 4 સભ્યોની પણ તબિયત ખરાબ થઈ હતી. રાત સુતા બાદ વહેલી સવાર 4 વાગ્યે માનવીનું શરીર ઠંડું પડી ગયું હતું પરિવાર તેને લઈને હોસ્પિટલ દોડ્યો પરંતુ તેટલીવારમાં તેનું પ્રાણપંખેરુ ઉડી ચૂક્યું હતું.
link
વીડિયોમાં કેક કાપતી દેખાઈ માનવી
માનવીનો કેક કાપતી હોવાનો એક વીડિયો પણ સામે આવ્યો છે. પરિવારે માનવીના જન્મદિવસ માટે ઓનલાઈન 352 રુપિયા ચુકવીને કેક મંગાવી હતી અને તે કેક ઝેરી હોવાનું જણાવાઈ રહ્યું છે. વીડિયો એવું પણ જોઈ શકાય છે માનવી ખૂદ કેક ખાતી હતી અને ઘરનાને પણ ખવડાવતી હતી. માનવીની માતા કાજલે કહ્યું કે માનવી ભણવામાં ખૂબ હોંશિયાર હતી, હવે તેની નાની બહેન એકલવાયી બની ગઈ છે.
કેક ઝેરી બની હોવાની સંભાવના
આ ઘટનામાં ખાધા ખાધ મોત અને તબિયત બગડી હોવાનું અનુમાન લગાવી શકાય કે કેક ખરાબ અથવા ઝેરી હોઈ શકે અથવા તેને કારણે ફૂડ પોઈઝનિંગ થયું હોઈ શકે.
પોલીસે કેક શોપના માલિક સામે ગુનો નોંધ્યો
પોલીસે તેના પરિવારની ફરિયાદ પરથી બેકરીની દુકાનના માલિક સામે ગુનો નોંધ્યો છે. આ ઘટના બાદ સમગ્ર વિસ્તારમાં શોકની કાલિમા છવાઇ ગઇ છે.
