- ગયાનામાં ગર્લ્સ હોસ્ટેલમાં આગ 20 વિદ્યાર્થીનીઓના મોત
- દક્ષિણ અમેરિકાના દેશ ગયાનામાં એક સ્કૂલ હોસ્ટેલમાં સોમવારે સવારે આગ લાગી હતી. આગને કારણે 20 લોકોના મોત થયા છે.
ડઝનેક લોકો ઘાયલ થયા છે જેમને સારવાર માટે હોસ્પિટલમાં ખસેડવામાં આવ્યા છે. ઘટનાસ્થળે રાહત અને બચાવ કાર્ય ચાલી રહ્યું છે. મૃતકોની સંખ્યા હજુ વધી શકે છે ઘાયલોની સંખ્યા હજુ સુધી જણાવવામાં આવી નથી.
મીડિયા રિપોર્ટ્સ અનુસાર, જે સ્કૂલ હોસ્ટેલમાં આગ લાગી તે મધ્ય ગયાનાના માહદિયા શહેરમાં આવેલી છે. આગ લાગવાનું ચોક્કસ કારણ હજુ સુધી જાણી શકાયું નથી. સ્થાનિક મીડિયા અનુસાર, અત્યાર સુધીમાં 20 મૃતકોની પુષ્ટિ થઈ છે. મૃત્યુ પામેલાઓમાં તમામ બાળકો હોવાનું કહેવાય છે. આગના કારણે આ બાળકો હોસ્ટેલમાં ફસાઈ ગયા હતા.
Ad.
અધિકારીઓના જણાવ્યા અનુસાર, આગ રવિવારે મધરાતે લગભગ ત્યારે લાગી જ્યારે મોટાભાગના બાળકો ઊંઘી રહ્યા હતા. ફાયર બ્રિગેડના અધિકારીઓનું કહેવું છે કે ખરાબ હવામાનને કારણે આગ પર કાબૂ મેળવવો મુશ્કેલ બની રહ્યો છે. ઘાયલોમાં કેટલાક બાળકોની હાલત ગંભીર જણાવવામાં આવી રહી છે તેમને રાજધાની જ્યોર્જટાઉન લઈ જવાની તૈયારી કરવામાં આવી રહી છે.
રાષ્ટ્રપતિએ શોક વ્યક્ત કર્યો
ગયાનાના રાષ્ટ્રપતિ ઈરફાન અલીએ પણ આ ઘટના પર દુઃખ વ્યક્ત કર્યું છે. તેમણે કહ્યું છે કે, “આ એક ખૂબ જ ભયાનક અને દર્દનાક અકસ્માત છે. હું માતા-પિતા અને બાળકોની પીડાની કલ્પના કરી શકતો નથી અને એક દેશ તરીકે આપણે તેનો સામનો કરવો પડશે.”
ઘાયલોને એર એમ્બ્યુલન્સ દ્વારા હોસ્પિટલમાં લઈ જવાયા
મીડિયા રિપોર્ટ્સ અનુસાર, 7 ઘાયલ બાળકોને એર એમ્બ્યુલન્સ દ્વારા જ્યોર્જટાઉન લઈ જવાની યોજના બનાવવામાં આવી રહી છે. આ સાથે 5 એરક્રાફ્ટ પણ ઘટનાસ્થળે પહોંચી રહ્યા છે. એવો દાવો કરવામાં આવી રહ્યો છે કે વિદ્યાર્થીઓ હજુ પણ હોસ્ટેલમાં ફસાયેલા છે જેમની ચીસો સંભળાઈ રહી છે. ગયાનામાં માહડિયા નગર તેના સોનાની ખાણ માટે જાણીતું છે અને શાળામાં આસપાસના નગરો અને ગામડાઓના વિદ્યાર્થીઓ છે.
Ad.