વિરોધ:

ગાંધીનગરના સેન્ટ્રલ વિસ્ટા ગાર્ડનમાં કાર્યકર્તાઓ હાથમાં દંડા લઈને પહોંચ્યા, પ્રેમીયુગલોને ભગાડ્યાં

14 ફેબ્રુઆરી એટલે કે વેલેન્ટાઈન ડે. આજના દિવસે દર વર્ષની માફક બજરંગદળ દ્વારા વિરોધ પ્રદર્શિત કરાયો. પાટનગર ગાંધીનગરના સેન્ટ્રલ વિસ્ટા ગાર્ડનમાં બજરંગદળના કાર્યકર્તાઓ હાથમાં દંડા લઈને પહોંચી પ્રેમીયુગલોને ભગાડ્યાં હતાં.
કાર્યકર્તાઓએ યુગલોને પશ્ચિમી દેશોનું અનુકરણ ન કરવા સૂચના આપી
બજરંગદળના કાર્યકર્તાઓ ગાંધીનગરના બગીચામાં ફરી વળ્યા હતા. મોટી સંખ્યામાં યુવાનો હાથમાં દંડા લઇને ખેસ પહેરીને બાગમાં અચાનક ત્રાટક્યા હતા. તેમણે પશ્ચિમી દેશોનું અનુકરણ ન કરવાની સૂચના આપી યુગલોને જવા દીધાં હતાં. આ સિવાય પણ બજરંગદળના કાર્યકરો વેલેન્ટાઇન ડેના વિરોધમાં અનેક જગ્યાઓ પર જઇને યુગલોને ભગાડી રહ્યા છે.

ભારતમાં દર વર્ષે આ દિવસનો વિરોધ થતો રહ્યો છે. દર વર્ષની જેમ આ વર્ષે પણ અનેક જૂથો દ્વારા તર્ક-વિતર્કો સાથે વેલેન્ટાઈન ડે ન ઊજવવા અપીલ કરવામાં આવી રહી છે. આ વખતે પણ એનિમલ વેલ્ફેર બોર્ડે 14 ફેબ્રુઆરીને ગાય હગ ડે તરીકે ઊજવવાની જાહેરાત કરી હતી. પરંતુ હંગામા બાદ તે પાછી ખેંચી લેવામાં આવી હતી.

Ad..

• ગુજરાતના ભરુચ જિલ્લાને દ્રષ્ટિ વસાવાએ વિશ્વના ફલક પર અપાવ્યું ગૌરવ
• એક આદિવાસી દિકરીની ટ્રાઇબલ વિસ્તારથી લઈ વર્લ્ડ ચેમ્પિયનશીપ સુધી સફર દેશની કરોડો દિકરીઓને પ્રેરણા પૂરી પાડી માઈલ સ્ટોન બની

૯ મી નેશનલ આઇસ સ્ટોક સ્પોર્ટ ચેમ્પિયનશીપમાં સતત ત્રીજી વખત મેડલ મેળવતી ભરૂચ જિલ્લાના થવા ગામની દ્રષ્ટિ વસાવા

વર્ષ ૨૦૨૬માં દરિયાપાર યોજાનાર ઓલમ્પિકમાં દેશ તરફથી પ્રતિનિધિત્વ કરશે નેત્રંગની આઈસ ગર્લ

ગુજરાત રાજ્યમાંથી ૮ વિધાર્થીઓ ખેલો ઇન્ડિયામાં પસંદગી પામ્યા

“અડગ મનના મુસાફરને હીમાયલ પણ નડતો નથી” આ પ્રેરણાત્મક ઉક્તિને સાચા અર્થમાં સાર્થક કરી બતાવી છે ગુજરાતના પ્રાચીન નગર એવા ભરૂચના અંતરિયાળ વિસ્તારમાં રહેતી દ્રષ્ટિ વસાવા.
આમ જોઈએ તો સામાન્ય કદ અને કાઠીમાં ઓછપ દેખાતી પણ આઈસ ગર્લ તરીકે ઓળખાતી દ્રષ્ટિ વસાવાની સ્ટોરી ફિલ્મી દુનિયાની સ્ક્રીપ્ટમાં આવતાં વણાકની માફક લટાર મારી વાસ્તવિક બનતી પારાવાર મુશ્કેલીઓનો સામનો કરી, પ્રતિકૂળ વાતાવરણ વચ્ચે જીત ની જીદને વરેલી યુવાનીના ભરપૂર જોમ- જુસ્સાનું પરિણામ આપતી સફળ યાત્રા છે.
ગુજરાત રાજ્યમાં આદિવાસી સમાજમાંથી આવતી ડાંગની ગોલ્ડ ગર્લ સરીતા ગાયકવાડ બાદ આશાનું કિરણ લઈને આવી છે ભરૂચ જિલ્લાના નેત્રંગ તાલુકાની થવાં ગામની આઈસ ગર્લ તરીકે ઓળખાતી દ્રષ્ટિ વસાવા.તેણીની આવનારા વર્ષ ૨૦૨૬માં દરિયાપાર યોજાનાર ઓલમ્પિકમાં ભારત દેશ તરફથી પ્રથમવાર યજમાની કરશે.

આ સફળ યાત્રાના મુખ્ય પ્રણેતા તો આઇસ ગર્લના માતા – પિતા
ઓછું શિક્ષણ અને સંકુચિત માનસિકતા ધરાવતા વિસ્તારમાં હકારાત્મક અભિગમથી નાનકડી દ્રષ્ટિને કરિયર તરીકે રાજ્યમાં ભૌગોલિક પરિસ્થિતિને કારણે જવલ્લે જ રમાતી રમતને કારકિર્દી તરીકે માન્યતા આપી તેમજ રમતમાં મહારથ હાંસલ કરવાનું પ્રોત્સાહન પૂરું પાડ્યું તથા પોતાની દિકરીની ક્ષમતામાં વિશ્વાસ મૂક્યો.
પોતાના માતા પિતાના વિશ્વાસને સાચા અર્થમાં સાર્થક કરી બતાવીને આજે તેનું પરિણામ આ રમતમાં પોતાના કાંડાનું કૌવત્ત બતાવીને ૯ મી નેશનલ આઇસ સ્ટોક સ્પોર્ટ ચેમ્પિયનશીપમાં સતત ત્રીજી વખત મેડલ મેળવીને ઉત્કૃષ્ટ ઉદાહરણ પૂરું પાડ્યું છે.
ઇન્ડિયન આઈસ સ્ટોક સ્પોર્ટ્સ ફેડરેશન દ્વારા આયોજીત ૯મી “આઈસ સ્ટોક વિન્ટર નેશનલ ચેપિયનશિપ-૨૦૨૩”નું ગુલમર્ગ કાશ્મીર ખાતે ૨ થી ૪ ફેબ્રઆરી યોજાઈ હતી. જેમાં ભારતના કુલ ૧૮ રાજ્યએ ભાગ લીધો હતો.તેમાં ગુજરાત રાજ્યથી ૨૦ ખેલાડીઓએ ભાગ લીધો હતો.
જેમાં ગુજરાતના ટીમ ગેમ ઇવેન્ટમાં ૧ ગોલ્ડ , ૨ સિલ્વર, ૧ બ્રોન્ઝ અને ટીમ ટાર્ગેટમાં ૧ સિલ્વર, ૨ બ્રોન્ઝ તેમજ ટીમ અને ઇન્ડિવિઝયુઅલ ડિસ્ટન્સમાં ૨ ગોલ્ડ અને ૧ સિલ્વર મેડલ મેળવી ૯મી આઈસ સ્ટોક વિન્ટર નેશનલ ચેપિયનશિપ-2023માં ગુજરાત રાજયને નામનાં અપાવી હતી.
આ ૯મી આઈસ સ્ટોક વિન્ટર નેશનલ ચેપિયનશિપ-૨૦૨૩માંગુજરાત રાજ્યમાંથી ૮ વિધાર્થીઓ ખેલો ઇન્ડિયામાં પસંદગી પામ્યા છે.
-:પોતાના અનુભવનો આપ્યો લાભ સમાજના દિકરા-દિકરીઓને:-
પોતાના અનુભવને આગળ વધારીને સિનિયર ગર્લ દ્રષ્ટિ વસાવા તથા ગુજરાતની ટીમના કોચ વિકાસ વર્માએ પુરી ટીમ તૈયાર કરી કુલ-૨૦ ખેલાડીની ટીમ સાથે પુરા આત્મવિશ્વાસથી રમતમાં પોતાનું કૌશલ્ય દાખવતા ગુજરાત તરફથી ભાગ લીધો હતો પ્રતિકૂળ વાતાવરણ વચ્ચે કાશ્મીરનું તાપમાન ૭ ડિગ્રી હોવા છતાં ગુજરાતના ખેલાડીઓએ ખૂબ સારૂ પ્રદર્શન કરી દરેક ઇવેન્ટમાં ભાગ લીધો હતો.
જેમને આઈસ સ્ટોક સ્પોર્ટ્સ એસોસીએશન ગુજરાતના પ્રેસિડેન્ટ શ્રી મહેશભાઈ વસાવા અને સેકેટરી શ્રી રંજનબેન વસાવા તરફથી શુભેચ્છા પાઠવી હતી.

ખેલાડીઓ નામની યાદી
જુનિયર ગર્લ:-૧) હિવા પ્રજાપતિ (૨) હેત્વી બલર(૩) રવિના પ્રસાદ (૪) વનશ્રી દેસાઈ

જુનિયર બોય:-૧) મંતવ્ય ચલોડિયા (૨) પ્રિયદર્શી તિવારી (૩) પ્રિન્સ પટેલ
(૪) પ્રિયદર્શન તિવારી

સિનિયર ગર્લ(૧) સીમરન અગ્રવાલ (૨) અંકિતા વારલેકર (૩) દ્રષ્ટિ વસાવા(૪) ઈસા વર્મા
(૫) ઇવા પટેલ
સિનિયર બોય:-૧) વિકાસ વર્મા (૨) પ્રવીણ શર્મા (૩) મિહિર પટેલ (૪) નિખિલ શર્મા (૫) પૃથ્વી ભોંયે(૬) ધર્મેશ વાર્લેકર (૭) વિષ્ણુ કેજરીવાલ

જાણો આઈસ સ્ટોક રમત વિશે
આઇસ સ્ટ્રોક વર્લ્ડ ચેમ્પિયનશિપમાં ટાર્ગેટ અને લોન્ગ ડિસ્ટન્સ બન્નેમા દ્રષ્ટિ ભાગ લીધો હતો. આ રમતમાં બે થ્રો વચ્ચે અંતર 30 મીટર જેટલું અંતર હોઈ છે. અને આઈસ સ્ટોકનું વજન અંદાજે 6 થી 10 કિલોગ્રામ હોઈ છે. વિભાગ પ્રમાણે અપડેટ્સ આ રમતમા પણ હોઇ છે.

દિવ્યેશ પટેલ વાંસદા

રામાયણ કાળ સાથે સબંધ ધરાવતું દક્ષિણ ગુજરાતનું પૌરાણિક યાત્રાધામ ઉનાઈ

ઉનાઈ ગામ નવસારી જિલ્લામાં ખુબ જ ખ્યાતિ પામ્યું છે જેનું એક કારણ આદિવાસી સમાજના લોકપ્રિય નેતા તેમજ વાંસદા- ચીખલીના ધારાસભ્ય અનંતભાઈ પટેલ ઉનાઈના વતની છે. અનંતભાઈ પટેલ આદિવાસી સમાજ માટે સરકાર સામે અનેકવાર અવાજ ઉઠાવવા, વિરોધ પ્રદર્શન કરવા તેમજ ધારણા પ્રદર્શનો કરવા માટે જાણીતા છે. જેના કારણે ઉનાઈ ગામ પણ ન્યુઝ પેપરોમાં તેમજ મીડિયામાં છવાઈલુ રહે છે.

એક એવું પૌરાણિક યાત્રાધામ જ્યાં માતા સીતાના રૂપમાં ઉનાઈ માતાજી જે ઉષ્ણઅંબાજી તરીકે પણ ઓળખાય છે જે બિરાજમાન છે એવું દક્ષિણ ગુજરાતમાં આવેલ એકમાત્ર પવિત્ર યાત્રાધામ એટલે વાંસદા તાલુકાનું ઉનાઈ.

વાંસદા તાલુકાનું નાનકડું ગામ અને દક્ષિણ ગુજરાતનું પવિત્ર અને પૌરાણિક યાત્રાધામ ઉનાઈ જ્યાં માં સીતાના રૂપમાં ઉનાઈ માતાજી બિરાજમાન છે. ઉનાઈ ગામનું નામ પડવા પાછળની દંતકથા પ્રમાણે વનવાસ દરમિયાન પ્રભુ રામજી પોતાના ભાઈ લક્ષ્મણ અને માતા સીતા આ સ્થળ પર આવ્યા ત્યારે માતા સીતાએ સ્નાન કરવાની ઈચ્છા પ્રગટ કરી જેથી પ્રભુ રામે પૃથ્વીના પેટાળમાં તીર મારતા પૃથ્વીના પેટાળમાંથી ગરમ પાણીના ઝરા વહેવા લાગ્યા, જેમાં માતા સીતાએ સ્નાન કરી અને ત્યારબાદ હું નાહી એવા શબ્દનો ઉચ્ચારણ કરતા આ સ્થળનું નામ હું નાહી પડ્યું હતું, જેનું કાળક્રમે અપભ્રંશ થતા આ સ્થળ ઉનાઈ તરીકે પ્રસિદ્ધ થયું. આ સ્થળે માતા સીતાની સ્થાપના થઇ બાદમાં ઉનાઈ માતાજી તરીકે ઓળખાયા જેમને ઉષ્ણઅંબાજી પણ કહેવામાં આવે છે. અહીં આવેલા ગરમ પાણીના ઝરામાં સ્નાન કરવાથી કૃષ્ઠ રોગો (ચામડીના રોગો ) દૂર થવાની લોકમાન્યતા છે. પવિત્ર યાત્રાધામ ઉનાઈ સ્થાનિક આદિવાસીઓનું મોટું અસ્થાનું પ્રતીક છે.
ઉનાઈ અને ખંભાલિયા ગામ ત્રણ જિલ્લાઓની સરહદે આવેલું ગામ છે, જે તાપી, સુરત અને ડાંગ જિલ્લાને અડીને આવેલું નવસારી જિલ્લાનું છેલ્લું ગામ છે. ઉનાઈ અને ખંભાલિયા ગામમાં અનેક ધર્મ- જાતિના લોકો વસવાટ કરે છે જેમાં ધોડિયા, ગામીત, કૂકણા, ઢીમ્મર, મરાઠી, મારવાડી, દેવીપૂજક, ભાવસાર, કાઠીયાવાડી, મુસ્લિમ ધર્મના લોકો રહે છે. જેમાં પરપ્રાંતીય લોકો પણ મોટી સંખ્યામાં વસવાટ કરે છે. ઉનાઈ અને ખંભાલિયા ગામ મળી લગભગ દસ હજાર જેટલી વસ્તી ધરાવે છે. જેમાં ગામમાં બે ગ્રામ પંચાયતો આવેલી છે જે ઉનાઈ ગ્રામપંચાયત અને ખંભાલિયા ગ્રામ પંચાયત છે. આ ગામની ખાસિયત એ છે કે, ગામના મેઈન બજારના આગળ ભાગે ઉનાઈ અને પાછલા ભાગે ખંભાલિયાની હદ લાગે છે અહીં આરોગ્ય અને રોડ રસ્તા અને પાણીની ખૂબ સરસ વ્યવસ્થા છે. ઉનાઈ- ખંભાલિયા ગામો મકરસંક્રાતિના ભવ્ય મેળાને લઈ ખૂબ પ્રચલિત છે. અહીં દર વર્ષે ભવ્ય મેળાનું આયોજન થાય છે.

હાલમાં ઉનાઈ- ખંભાલિયા ગામમાં યુવાન સરપંચો ચૂંટાઈ આવતા આ વર્ષે મેળાનું ભવ્ય આયોજન કરી ગ્રામપંચાયતને સારી એવી આવક કરી ગામના વિકાસના કાર્યને આગળ ધપાવવાનું કામ કરવામાં આવ્યુ હતું . ઉનાઈ ગામના ક્રિકેટ રમતા યુવાનો માટે ઉનાઈ ખાતે ભવ્ય ક્રિકેટ ગ્રાઉન્ડ આવેલ છે. ઉનાઈ- ખંભાલિયાની પ્રજા એકતા અને ભાઈચારા સાથે અનેક તહેવારોની ઉજવણી કરતા હોય છે. ઉનાઈની આજુબાજુ અનેક દેવસ્થાનો આવેલા છે. જેમાં અંબિકેશ્વર મહાદેવ, ગુસ્માઇમાડી મંદિર, ગાયત્રીમંદિર, તોરણીયા ડુંગર, અજમલ ગઢ જેવા મંદિરો આવેલા છે. ઉનાઈ ગામના ચરવી ફળિયામાં મોટી સંખ્યામાં ઈસાઈ સમુદાઈ પણ વસવાટ કરે છે. તેમજ ચરવી ફળિયામાં કેથલિક ચર્ચ પણ આવ્યું છે જેમાં દર રવિવારે પ્રાર્થનનાનું આયોજન થાય છે.

• ઉનાઈ ગામની શોભામાં અભિવૃદ્ધિ કરતી ઐતિહાસિક વણઝારી વાવ આવેલી છે, જે વર્ષો પહેલા મંદિર પર આવતા શ્રદ્ધાળુઓને ઠંડુ પીવાનું પાણી મળી રહે એ આશયથી બનવવામાં આવી હતી. આ વાવની ખાસિયત છે મંદિરમાં આવેલા ગરમ પાણીના કુંડને કારણે મંદિરની આસપાસ ગરમ પાણી નીકળતું હોય છે પરંતુ વણઝારાઓ દ્વારા બનાવેલી વાવમાં ઠંડુ પાણી નીકળ્યું હતું. જેથી વાવનું મહત્વ ખૂબ વધી ગયું હતું વાવના દર્શન કરવા અનેક શ્રદ્ધાળુઓ આવતા હોય છે.

ઉનાઈ ગામમાં પવિત્ર યાત્રાધામ તરીકે દેશ વિદેશમાં ખ્યાતિ પામેલ છે જેથી અહીં આવતા શ્રધ્ધાળુઓને અગવડતા ન પડે એવા તમામ પ્રયાસો અમે કરી રહ્યા છે તેમજ મેળામાં પણ આ વર્ષે સુંદર આયોજન કરી બાર લાખ જેવી રકમની ઉનાઈ ગ્રામપંચાયને આવક થવા પામી છે જે ગામમાં વિકાસના કામોમાં વાપરી ગ્રામજનો માટે સુખ સગવડ સારી મળી રહે એવા અનેક પ્રયાસો કરવામાં આવશે.

– ધવલભાઈ જે. ઢીમ્મર ડેપ્યુટી સરપંચ ઉનાઈ

Ad..