પોલીસ કમિશનર રાજુ ભાર્ગવ દ્વારા માથાભારે, બુટલેગર, વ્યાજના ધંધાર્થી અને હનીટ્રેપમાં ફસાવી મોટી રકમ પડાવતી યુવતી સહિત પાંચની પાસા હેઠળ અટકાયત કરવા વોરન્ટ ઇસ્યુ કરતા પોલીસે પાંચેયના પાસાના વોરન્ટની બજવણી કરી અલગ અલગ જેલ હવાલે કર્યા છે.
Ad..
ચુનારાવાડ વિસ્તારમાં રહેતી જાનકી કનક પ્રજાપતિ નામની 26 વર્ષની યુવતીએ રંગીન મિજાજીઓને હનીટ્રેપમાં ફસાવી મોટી રકમ પડાવવાના ચાર જેટલા ગુનામાં પકડાતા તેની પાસા હેઠળ અટકાયત કરી સુરત જેલ હવાલે કરવામાં આવી છે. જ્યારે તેના સાગરીત રૈયાધાર વિસ્તારમાં રહેતા જીતુદાન ઉર્ફે ભુરો બાણીદાન ગઢવી સામે હનીટ્રેપ સહિત પાંચ ગુના નોંધાતા તેના પાસાના વોરન્ટની બજવણી ક્રાઇમ બ્રાન્ચના સ્ટાફે કરી વડોદરા જેલહવાલે કરાયો છે.
બાબરીયા કોલોની પાસે આરએમસી કવાર્ટરમાં રહેતા જીજ્ઞેશ ઉર્ફે બાવકો ઉર્ફે ટિકિટ અરવિંદ ગોહેલ સામે મારામારી અને દારુના 16જેટલા ગુના નોંધાતા તેની પાસા હેઠળ અટકાયત કરી ભક્તિનગર પોલીસે સુરત જેલ હવાલે કર્યો છે. આનંદનગર કવાર્ટરમાં રહેતા તેના ભાઇ રણજીત ઉર્ફે કાનો ઉર્ફે ટિકિટ અરવિંદ ગોહેલ નામના શખ્સ સામે હત્યા, લૂંટઅને દારુના 36 જેટલા ગુના નોંધાતા તેની પાસા હેઠળ વડોદરા જેલ હવાલે કર્યો છે. અને રણછોડનગરના અકિબ ઉર્ફે હક્કો રફીક મેતર નામના શખ્સ સામે તાજેતરમાં જ વ્યાજની પઠાણી ઉઘરાણી અને મારામારીના ગુના નૌંઘતા તેની પાસા હેટળ અટકાયત કરી વડોદરા જેલ હવાલે કરા.યો છે.
Ad..
વલસાડ જિલ્લાના વાપી તાલુકાના નજીકના ગામમાંથી ભારતીબેન શાહ (નામ બદલ્યું છે)એ પોતાની ૧૯ વર્ષીય દીકરી દિવ્યા (નામ બદલ્યું છે) ને કોઈ અજાણ્યા પરપ્રાંતિય યુવકે ઈન્સ્ટાગ્રામ ઉપર પ્રેમજાળમાં ફસાવી એની સાથે જવા જીદ કરતા ૧૮૧ અભયમને કોલ કરી મદદ માંગી હતી. કોલ મળતા જ ૧૮૧ અભયમની ટીમ ભારતીબેને જણાવેલા સરનામે પહોંચી હતી. જ્યાં અરજદાર ભારતીબેનના જણાવ્યા અનુસાર, તેઓ આર્થિક રીતે સુખી સંપન્ન પરિવારના છે અને સંતાનમાં એક જ દીકરી છે. જે કોલેજના બીજા વર્ષમાં અભ્યાસ કરે છે.
છ મહિના અગાઉ તેની ઈન્સ્ટાગ્રામ ઉપર એક યુવક સાથે મિત્રતા બંધાઈ હતી અને આ મિત્રએ બે મહિના બાદ તેને પ્રેમજાળમાં ફસાવી હતી. જેની જાણ માતાપિતાને થતા દીકરી દિવ્યાને પૂછપરછ કરતા જણાવ્યું કે, યુવક રાકેશ ( નામ બદલ્યું છે) બીજા કોઈ રાજ્યમાંથી કામ ધંધા અર્થે ઘણા સમયથી દમણમાં એકલો રહે છે તથા હાલ કોઈ કામ ધંધો કરતો નથી. તેણે દિવ્યાના નામે તેના મિત્ર પાસેથી પણ ૫ થી ૧૦ હજાર રૂપિયા પડાવ્યા હતા. તેથી તેમણે દીકરીને આવા યુવકની જાળમાં ન ફસાય તે માટે સમજાવવાના ખૂબ પ્રયત્ન કર્યા પરંતુ દિવ્યા માની ન હતી. દિવ્યાએ પરિવારની વાત નહીં માનતા તેમણે રાકેશને મુલાકાત માટે બોલાવ્યો હતો પરંતુ તે આવ્યો ન હતો. દિવ્યાએ યુવક સાથે જ જતી રહેવાની જીદ કરતા તેનું જીવન અંધકારમય ન બને તે માટે દીકરીને સમજાવવા ભારતીબેને ૧૮૧ અભયમની મદદ લીધી હતી.
નરેન્દ્રભાઈની વિઝનરી લીડરશીપના કારણે વલસાડ, દાહોદ, બનાસકાંઠા, રાજપીપળા અને ગોધરા સહિત વનબંધુ વિસ્તારોમાં મેડિકલ કોલેજની સ્થાપના કરાઈ હોવાનું જણાવી વધુમાં મુખ્યમંત્રીશ્રીએ કહ્યું કે, આદિજાતિ સમયુદાયના સંતાનો આજે ભણી ગણીને ડોકટર, એન્જિનિયર અને પાઈલોટ બની રહ્યા છે. નરેન્દ્રભાઈ મોદીએ યુવાનોને નવ ભારતના નિર્માતા કહ્યા છે. તેમના વિકાસ માટે નવું શું શું કરી શકાય તે માટે નવા પ્રકલ્પો લાવવા અવિરત પ્રયાસ કરી રહ્યા છે. તેમના માર્ગદર્શનમાં ગુજરાત ઈનોવેશન અને સ્ટાર્ટઅપ ક્ષેત્રે દેશનું અગ્રીમ રાજ્ય બન્યું છે. છેલ્લા ૩ વર્ષથી સ્ટાર્ટઅપમાં ગુજરાત પ્રથમ હરોળમાં છે. ગુજરાતના સ્ટાર્ટઅપનું અનુકરણ અન્ય રાજ્યો પણ કરી રહ્યા છે.
યુવા શક્તિના વિકાસ અને સરકારની યોજનાઓ અંગે મુખ્યમંત્રીશ્રીએ વધુ પ્રકાશ પાડતાા જણાવ્યું કે, આદરણીય મોદીજીએ દેશની સમગ્ર શિક્ષણ વ્યવસ્થાની કાયાપલટ કરવા માટે નવી શિક્ષણ નીતિ અમલમાં મુકી છે. પરંપરાગત શિક્ષણની સાથે સાથે રિસર્ચ અને ઈનોવેશન પર ભાર મુકયો છે. ઇનોવેશન પોલીસી 2.0ના અમલથી ગુજરાતના અનેક યુવાનો ઇનોવેશન અને સ્ટાર્ટઅપ તરફ વળ્યા છે. ગુજરાતમાં 1200થી વધુ પેટર્ન ફાઇલ થઈ છે અને 2200થી વધુ સ્ટાર્ટઅપ કાર્યરત છે. મુખ્યમંત્રી યુવા સ્વાવલંબન યોજના હોય કે અન્ય યોજના હોય રાજ્યના હજારો યુવાનોને આર્થિક સહાય આપી યુવાનોને આગળ લાવવા માટે સરકાર કટિબદ્ધ છે. માનનીય વડાપ્રધાનશ્રી નરેન્દ્રભાઈ મોદીના દૂરંદેશી પગલાઓથી ગુજરાતે વિકાસનો જે રાજમાર્ગ રચ્યો છે તેના પર તેજ ગતિએ આગળ વધવા માટે હું અને મારી ટીમ હર હંમેશ કાર્યરત છે. તેમના નેતૃત્વમાં આઝાદીના અમૃતપર્વમાં દેશને નવ સંકલ્પથી ઉર્જાવાન બનાવ્યો છે. ત્યારે આપણે સૌ સાથે મળી વિકસિત ગુજરાતથી શિક્ષિત ભારતની નેમ સાકાર કરી શૈક્ષણિક સંસ્થાઓ દ્વારા ગુજરાતમાં જ્ઞાનની જ્યોત સદા પ્રચલિત રાખીએ એવું મુખ્યમંત્રીશ્રીએ આહવાન કર્યું હતું.
