કપરાડા આપઘાત કાંડ બાદ તંત્ર હરકતમાં: વલસાડ જિલ્લામાં ગેર કાયદેસર દવાઓ વેચતા ૮ મેડિકલ સ્ટોર સામે કાર્યવાહી !

• કપરાડામાં ૨૧ વર્ષીય પરિણીતાએ આપઘાત કરતા ફૂડ એન્ડ ડ્રગ્સ વિભાગ હરકતમાં.
• ગર્ભપાતની દવા પ્રિસ્ક્રિપ્શન વિના વેચવા બદલ કુળદેવી મેડિકલ સ્ટોર સીલ.
• નાનાપોંઢા અને કપરાડાના કુલ ૮ મેડિકલ સ્ટોરોમાં તપાસ.
• રજિસ્ટર્ડ ફાર્માસિસ્ટ વગર દવા વેચાણ, બિલ વિના વ્યવહાર અને તાપમાન વિના દવા સંગ્રહ જેવી ગેરરીતિઓ ખુલી.
• તંત્રએ સ્ટોર સંચાલકોને નોટિસ આપી, પરવાના રદ કરવાની કાર્યવાહી હાથ ધરી.

વલસાડ જિલ્લામાં તાજેતરમાં ઘટેલી દુખદ ઘટના પછી આરોગ્ય વિભાગ અને ફૂડ એન્ડ ડ્રગ્સ વિભાગ એક્શન મોડમાં આવી ગયાં છે. કપરાડાના સુલિયા ગામની ૨૧ વર્ષીય પરિણીતાએ આપઘાત કર્યાની પૃષ્ઠભૂમિમાં ખૂલેલા અપ્રમાણિત દવા વેચાણના મામલે હવે તંત્ર દ્વારા મેડિકલ સ્ટોરો સામે કડક કાર્યવાહી હાથ ધરવામાં આવી છે.

કમળાબેન ભંવર નામની યુવતીએ ૩૧ માર્ચ, ૨૦૨૫ના રોજ કપરાડા તાલુકાના સુલિયા ગામે સ્થિત પોતાના ઘર નજીકના કૂવામાં ઝંપલાવીને આત્મહત્યા કરી હતી. પોલીસ તપાસમાં ખુલ્યું કે કમળાબેન પહેલાથી બે સંતાનોની માતા હતી અને ત્રીજી વખત ગર્ભવતી બની હતી. પતિ દિલીપભાઈ ભંવરે આ સ્થિતિમાં ત્રીજું સંતાન નહીં લાવવાનું નક્કી કર્યું હતું. આમ, તેણે પ્રિસ્ક્રિપ્શન વિના કુળદેવી મેડિકલ સ્ટોરમાંથી ગર્ભપાતની દવા ખરીદી અને પત્નીને આપી. જો કે, આ દવા લીધા બાદ કમળબેને કોઈક અગમ્ય કારણસર આત્મહત્યા કરી હતી.

આ ઘટનાને પગલે સમગ્ર જિલ્લામાં ચકચાર મચી ગઈ હતી. વિવાદ ઉઠતાં વલસાડ જિલ્લાના ફૂડ એન્ડ ડ્રગ્સ વિભાગની ટીમે ઘટના સ્થળે જઈ તપાસ શરૂ કરી. તપાસ દરમ્યાન કુળદેવી મેડિકલ સ્ટોરમાંથી ગર્ભપાતની દવા બિનપ્રમાણિત રીતે વેચાતા હોવાનો ખૂલાસો થતા, મેડિકલ સ્ટોરને તાત્કાલિક સીલ કરી દેવામાં આવ્યું હતું.

આ સિવાય, નાનાપોંઢા ગામમાં આવેલી વધુ પાંચ અને કપરાડામાં આવેલી બે મેડિકલ સ્ટોરમાં પણ તપાસ હાથ ધરવામાં આવી. તપાસ દરમિયાન એ જાણવા મળ્યું કે ઘણા મેડિકલ સ્ટોરોમાં ગર્ભપાતની દવાઓ, એન્ટીબાયોટીક, તથા શિડ્યુલ-એચ દવાઓ પ્રિસ્ક્રિપ્શન વિના વેચવામાં આવી રહી હતી. કેટલાય દુકાનોમાં રજિસ્ટર્ડ ફાર્માસિસ્ટ હાજર ન હતા અને દવાઓ માટે વેચાણની બિલો પણ આપવામાં આવતી નહોતી. ઉલટું, થંડકમાં રાખવાની જરૂરી દવાઓ સામાન્ય રૂમના તાપમાને સંગ્રહ કરવામાં આવી રહી હતી, જે એક ગંભીર ગેરરીતિ છે.

આ અંગે ફૂડ એન્ડ ડ્રગ્સ વિભાગના અધિકારીઓએ જણાવ્યું કે, તમામ દુકાનોમાં થયેલી તકલીફજનક અનિયમિતતાઓના આધારે હવે મેડિકલ સ્ટોરના માલિકોને કારણદર્શક નોટિસ પાઠવીને તેમનો લાઈસન્સ રદ અથવા સ્થગિત કરવાની કાર્યવાહી હાથ ધરવામાં આવશે.

જ્યાં-જ્યાં તપાસ હાથ ધરવામાં આવી:

નાનાપોંઢા ગામમાં:

1. પવનપુત્ર મેડિકલ સ્ટોર

2. જીવા મેડિકલ સ્ટોર

3. અભય મેડિકલ સ્ટોર

4. શીવા મેડિકલ સ્ટોર

5. વિકાસ મેડિકલ સ્ટોર

કપરાડા

6. શ્રી કૃષ્ણા મેડિકલ સ્ટોર
7. ભીરૂ મેડિકલ સ્ટોર
8. કુળદેવી મેડિકલ સ્ટોર (સીલ કરાયું)

તપાસમાં તમામ દુકાનોમાં મળેલી ગેરરીતિઓમાં મુખ્યત્વે રજિસ્ટર્ડ ફાર્માસિસ્ટની ગેરહાજરી, પ્રિસ્ક્રિપ્શન વિના દવાઓનું વેચાણ, વેચાણ બીલ નહીં આપવી અને તાપમાની અનુકૂળ દવા સંગ્રહ ન કરવો જેવી બાબતો મુખ્ય રહી છે.

વિભાગે સ્પષ્ટ સંકેત આપ્યો છે કે, આ પછી પણ જો કોઈ મેડિકલ સ્ટોરોમાં આવી ગેરરીતિઓ જણાશે તો તેમની સામે પણ કડક પગલાં લેવાશે. આવા કેસમાં ગ્રાહકોના આરોગ્ય સાથે સીધો ખીલવાટ થતો હોવાથી સરકાર આવાં સંચાલકો સામે બિલકુલ શિથિલતા નહીં દાખવે, એમ અધિકારીઓએ જણાવ્યું.

આ ઘટનાથી સમગ્ર વલસાડ જિલ્લામાં મેડિકલ સ્ટોરોના સંચાલકોમાં ફફડાટ વ્યાપી ગયો છે. હવે તમામ મેડિકલ સ્ટોરોને નિયમિત લાઈસન્સ, પ્રમાણિત ફાર્માસિસ્ટની હાજરી અને દવા વેચાણના યોગ્ય દસ્તાવેજો સાથે વ્યવહાર કરવો ફરજિયાત બન્યો છે. તંત્ર દ્વારા આગાહિ અપાઈ છે કે, જો દવાઓનું વેચાણ નક્કી થયેલા નિયમો મુજબ નહીં થાય તો આવી દુકાનો પર પ્રતિબંધ થવાથી કોઈ બચી શકશે નહીં.

આ ઘટનાએ આરોગ્ય ક્ષેત્રે ચાલતા મૌન ધંધાઓ અને ગેરકાયદેસર દવા વેચાણના વેપારમાં રહેલી ખામીઓને ઉજાગર કરી છે. મહિલા હક અને આરોગ્યની દ્રષ્ટિએ આ પ્રકારની કાર્યવાહી જરૂરિયાતિયથ છે, તેમ સ્થાનિક સમાજના આગેવાનો પણ માની રહ્યાં છે.

ઉલ્લેખનીય છે કે કમળાબેન ભંવર નામની યુવતીએ ૩૧ માર્ચ, ૨૦૨૫ના રોજ કપરાડા તાલુકાના સુલિયા ગામે સ્થિત પોતાના ઘર નજીકના કૂવામાં ઝંપલાવીને આત્મહત્યા કરી હતી. જે ઘટના ને લઈ વલસાડના 3 પત્રકાર મિત્ર જેમાં એક સ્થાનિક વ્યક્તિ નાનાપોઢા નજીક ગામનો વ્યક્તિ મળી ને એક ગામમાં ખાનગી દવાખાના મુલાકાત કરી રૂપિયા 20000 લઈ ગયા.