ઘણા મહિનાઓની પ્રતીક્ષા પછી ભારતીય મૂળની અમેરિકી અવકાશયાત્રી સુનિતા વિલિયમ્સની ધરતી પર આવવાની આશા વધી ગઈ છે. સુનિતાને પરત લાવનાર સ્પેસક્રાફ્ટ અવકાશમાં પહોંચી ગયું છે. નાસા અને સ્પેસએક્સના ક્રૂ-9 મિશનના ડ્રેગન કેપસ્યૂલમાં યાત્રા કરીને નાસાના અવકાશ યાત્રી નિક હેગ અને રશિયન અવકાશ એજન્સી રોસ્કોસ્મોસના એલેક્ઝાન્ડર ગોરબુનોવ આંતરરાષ્ટ્રીય અવકાશ સ્ટેશન પર સફળતાથી પહોંચી ગયા છે. આ ટીમ સુનિતા વિલિયમ્સ અને બુચ વિલ્મોરને પરત લાવવા પહોંચ્યા છે.
સુનિતા ખુશ દેખાતી હતી
સુનિતા અને તેનો પાર્ટનર બૂચ જૂન-2024થી અવકાશમાં ફસાયેલા છે. હવે સ્પેસએક્સ કેપ્સ્યૂલ આવતાની સાથે જ નાસાના અવકાશયાત્રી સુનિતા વિલિયમ્સ અને બૂચ વિલ્મોરે ખુશી વ્યક્ત કરી અને તેમનું સ્વાગત કર્યું. તેનો વીડિયો પણ સામે આવ્યો છે.
સ્પેસએક્સ ક્રૂ 9 આવતા વર્ષે પરત આવશે
સ્પેસએક્સે શનિવારે આ મિશન લોન્ચ કર્યું હતું, જે આજે સ્પેસ સ્ટેશન પર પહોંચ્યું હતું. સ્પેસ મિશન SpaceX Crew 9 આવતા વર્ષે પૃથ્વી પર પરત ફરશે. નાસાએ એક નિવેદનમાં જણાવ્યું હતું કે હેગ અને ગોર્બુનોવ સાંજે 7:04 વાગ્યે સ્પેસ સ્ટેશનમાં પ્રવેશ્યા હતા.
હેગ અને ગોર્બુનોવનું સ્પેસ સ્ટેશનના એક્સપિડિશન 72 ક્રૂ દ્વારા સ્વાગત કરવામાં આવ્યું હતું. તેમાં નાસાના અવકાશયાત્રીઓ મેથ્યુ ડોમિનિક, માઈકલ બેરેટ, જીનેટ એપ્સ, ડોન પેટિટ, બૂચ વિલ્મોર અને સુનિતા વિલિયમ્સ તેમજ રોસકોસમોસ અવકાશયાત્રીઓ એલેક્ઝાન્ડર ગ્રેબેનકિન, એલેક્સી ઓવચિનિન અને ઈવાન વેગનરનો સમાવેશ થાય છે.
સ્પેસ સ્ટેશન પર ક્રૂની સંખ્યામાં વધારો થશે
સોશિયલ મીડિયા મંચ X પર એક પોસ્ટમાં, નાસાના જોન્સન સ્પેસ સેન્ટરે લખ્યું, ‘તમારું સત્તાવાર રીતે સ્વાગત છે.’ એક્સપિડિશન 72 ક્રૂએ ક્રૂ 9નું સ્વાગત કર્યું. ખાસ કરીને, ઑક્ટોબરની શરૂઆતમાં ક્રૂ-8 સભ્યો ડોમિનિક, બેરેટ, એપ્સ અને ગ્રીબેનકિન પૃથ્વી પર પાછા ન આવે ત્યાં સુધી, સ્પેસ સ્ટેશન પર ક્રૂ સંખ્યા વધીને 11 લોકો થઈ જશે.
શનિવારે, સ્પેસએક્સે સ્ટારલાઇનર અવકાશયાત્રીઓને પરત કરવા માટે ISS પર બે-કૂડવાળા ક્રૂ-9 મિશન લોન્ચ કર્યા.
સુનિતા અને બુચ ફેબ્રુઆરી-2025માં પાછા આવશે
બુચ વિલ્મોર અને સુનિતા વિલિયમ્સ ફરી એકવાર ફેબ્રુઆરી-2025 સુધી મિશન 71/72 ક્રૂના ભાગ રૂપે તેમનું કાર્ય ચાલુ રાખશે. તેઓ એજન્સીના સ્પેસએક્સ ક્રૂ-9 મિશનને સોંપેલ અન્ય બે ક્રૂ સભ્યો સાથે સ્પેસએક્સ ડ્રેગન અવકાશયાન પર પાછા ફરશે.
Ad.
