સમાજમાં ઘણીવાર એવું માનવામાં આવે છે કે પુરુષ મજબૂત હોય છે અને તેને લાગણીઓ બતાવવી યોગ્ય નથી. બાળપણથી જ પુરુષને શીખવવામાં આવે છે કે “રડવું નહીં”, “દુઃખ બતાવવું નહીં” અને “હંમેશા મજબૂત રહેવું.” પરંતુ હકીકતમાં પુરુષ પણ એક લાગણીશીલ માણસ છે. તેને પણ દુઃખ થાય છે, ચિંતા થાય છે, પ્રેમની જરૂર પડે છે અને ક્યારેક એકલતા પણ અનુભવાય છે.
ઘણા પુરુષો પોતાની લાગણીઓ અંદર જ રાખે છે. તેઓ પોતાની ચિંતા કે દુઃખ પરિવાર સામે વ્યક્ત કરતા નથી, કારણ કે તેમને લાગે છે કે પરિવારને ચિંતા થશે અથવા લોકો તેમને નબળા માને. આ કારણે તેઓ બહારથી શાંત અને મજબૂત દેખાય છે, પરંતુ અંદરથી તેઓ ઘણી વખત સંવેદનશીલ હોય છે.
ઘણીવાર એવું બને છે કે પુરુષ દિવસભર મહેનત કરીને ઘરે આવે છે, પરંતુ તેની લાગણીઓને સમજવામાં આવતી નથી. તેને માત્ર જવાબદાર માણસ તરીકે જોવામાં આવે છે, લાગણીશીલ માણસ તરીકે નહીં. જ્યારે કોઈ તેની મહેનત અને લાગણીઓને સમજે છે ત્યારે તેને સાચી ખુશી મળે છે.
પત્ની માટે જરૂરી છે કે તે પતિને માત્ર કમાણી કરનાર વ્યક્તિ તરીકે ન જુએ, પરંતુ એક લાગણીશીલ માણસ તરીકે સમજે. ક્યારેક પ્રેમથી પૂછેલું એક નાનું પ્રશ્ન – “તમે આજે થાકી ગયા છો?” – પણ પુરુષ માટે મોટી લાગણી બની શકે છે.
પુરુષને પણ પ્રેમ, સન્માન અને સમજણની જરૂર હોય છે. જ્યારે પત્ની અને પરિવાર પુરુષની લાગણીઓને સમજવાનો પ્રયત્ન કરે છે ત્યારે સંબંધોમાં નજીકતા વધે છે.
આખરે એટલું જ કહી શકાય કે પુરુષ માત્ર જવાબદારીનું નામ નથી, પરંતુ લાગણીઓનું પણ નામ છે. પુરુષને લાગણીશીલ માણસ તરીકે સ્વીકારવામાં આવે ત્યારે પરિવારનું જીવન વધુ સુખી બની શકે છે.
આવતી કાલે વાચો
👇👇👇👇👇👇👇
મૌનનું ભારણ
જાહેરાત માટે સંપર્ક કરો
9904974419
