રાજસ્થાનના કોટામાંથી એક દુઃખદ અને હૃદય સ્પર્શી ઘટના સામે આવી છે. અહીં, દેવેન્દ્ર સંદલ એક સરકારી અધિકારી, તેમની બીમાર પત્નીની સંભાળ લેવા માટે ત્રણ વર્ષ વહેલા નિવૃત્ત થવાનું નક્કી કર્યું. પરંતુ તેમના વિદાય સમારંભ દરમિયાન તેમની પત્નીનું અવસાન થયું હતું.
જેના માટે નોકરી છોડી તેનો જ સાથ છૂટ્યો
આ સમગ્ર ઘટનાનો એક વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. વાયરલ થઈ રહેલા વીડિયોમાં જોઈ શકાય છે કે એક રૂમમાં વિદાય પાર્ટીનો માહોલ છે. આ દરમિયાન દેવેન્દ્ર સંદલ, તેમની પત્ની અને અન્ય લોકો પણ હાજર છે. આ દરમિયાન મહિલા કહેતી જોવા મળે છે કે મને ચક્કર આવે છે અને પાછળ આવીને પોતાની ખુરશી પર બેસી જાય છે. આ પછી તેનો પતિ તેની પીઠ પર માલિશ કરતા જોવા મળે છે.
https://x.com/Rakeshchau58578/status/1871941551049646178?ref_src=twsrc%5Etfw%7Ctwcamp%5Etweetembed%7Ctwterm%5E1871941551049646178%7Ctwgr%5E1e397629a11ad4e5b041c05a2ed0ef97efc0c0e1%7Ctwcon%5Es1_c10&ref_url=https%3A%2F%2Fapi-news.dailyhunt.in%2F
વિદાય સમારંભમાં હાજર કેટલાક લોકોએ દેવેન્દ્ર સંદલની પત્નીને કેમેરા સામે હસવાનું કહ્યું, ત્યારબાદ તે હસતાં હસતાં સામે મૂકેલા ટેબલ પર પડી ગયા. મહિલાને તાત્કાલિક હોસ્પિટલ લઈ જવામાં આવી, જ્યાં ડોક્ટરોએ તેને મૃત જાહેર કરી. જણાવવામાં આવી રહ્યું છે કે દેવેન્દ્ર સંદલની પત્નીને હાર્ટ એટેક આવ્યો હતો, જે બાદ તેમનું મોત થયું હતુ.
હાર્ટની બીમારીથી પીડિત હતાં પત્ની
સેન્ટ્રલ વેરહાઉસિંગ કોર્પોરેશનમાં મેનેજર તરીકે ફરજ બજાવતા દેવેન્દ્ર સંદલની પત્ની હૃદયની બિમારીથી પીડિત હતી. તેની સંભાળ રાખવા અને તેની સાથે સમય વિતાવવા માટે જ સેન્ડલે VRS લીધું. સૌથી મહત્વની વાત એ છે કે આ VRS પણ સ્વીકારવામાં આવ્યું હતું. જોકે, વિદાય વખતે બનેલી આ ઘટનાએ સૌને ચોંકાવી દીધા હતા.
Ad..
